ტრამპი კონგრესს სთავაზობს “მწვანე ბარათის” გაუქმებას და Build America ვიზებით ჩანაცვლებას – რას ნიშნავს ეს?

პრეზიდენტმა დონალდ ტრამპმა დღევანდელ პრეს-კონფერენციაზე განაცხადა, რომ მის გუნდს მზად აქვს ახალი ტიპის ვიზის სქემა, რომელიც კონგრესში კენჭიყრის შემთხვევაში შეიძლება ძალაში შევიდეს.

ამ ახალი საიმიგრაციო სტრატეგიის მიხედვით, გაუქმდება “მწვანე ბარათის” გათამაშება და მის ნაცვლად, გაიცემა ახალი ტიპის ვიზა, რომელსაც Build America Visa ერქმევა.

“ჩვენ მივესალმებით მიგრანტებსა და ვაფასებთ მათ, მაგრამ მათი უმრავლესობა უნდა აკმაყოფილებდეს ჩვენთვის საჭირო სტანდარტებსა და მოთხოვნებს, პრიორეტიტული იქნებიან ის აპლიკანტები, რომლებიც სახელმწიფოსგან შემწეობასა და სხვადსხვა ტიპის დახმარებას არ მოითხოვენ” – განაცხადა პრეზიდენტმა ტრამპმა.

პრეზიდენტის სტრატეგიაში ასევე ლაპარაკია ყველანაირი თავშესაფრის გაუქმების შესახებ და მის მაგივრად, სხვა პროგრამის ამუშავება იქნება მოსალოდნელი. სტრატეგიაში არც ერთი სიტყვით არ არის ნახსენები DACA-ს პროგრამა. გაურკვეველია რა ბედი ეწევათ DACA-ს მონაწილეებს. (დაკა – იმ ბავშვების პროგრამა, რომელიც აშშ-ში პატარა ასაკში მოხვდნენ და მათზე არ ვრცელდება ქვეყანაში კრიმინალური შემოღწევის მუხლი, ეს პროგრამა პრეზიდენტმა ბარაქ ობამამ აამუშავა – რედ.)

Build America Visa-ის გაცემა მხოლოდ დამსახურებით მოხდება. ამ ვიზის აპლიკანტს უნდა ჰქონდეს გარკვეული სამუშაო გამოცდილება, განათლება და ასიმილაციის სურვილი. (ექსპერტების აზრით, ეს სტრატეგია, ერთი-ერთში იმეორებს კანადის საიმიგრაციო პოლკიტიკას – რედ.)

ბევრი ექსპერტი იმასაც მიიჩნევს, რომ ეს “მკვდრადშობილი” სტრატეგიაა, თუმცა ტრამპს რესპუბლიკური პარტიის მხარდაჭერის იმედი აქვს. ექპერტები იმასაც ვარაუდობენ, რომ ტრამპი პარტიაშიც ვერ მოიპოვებს სრულ მხარდაჭერას.

დემოკრატიული პარტიის ლიდერი – ნენსი პელოსი ამ სტრატეგიას თავხედურსა და ამპარტავნულს უწოდებს. დემოკრატიული პარტია ამ სტრატეგიას არ დაუჭერს მხარს. პელოსიმ განაცხადა რომ

“ამ სტრატეგიით იმ ადამიანთა ღვაწლსა და შრომას გადაესმევა ხაზი ვინც ამერიკა ააშენა და განავითარა და ერთ-ერთ მოწინავე ქვეყნად აქცია. მერე რა რომ იმ ადამიანებს არ ჰქონდათ უმაღლესი განათლება ან შესაბამისი ხარისხი, ნუთუ ეს რამით აკნინებს მათ მონაგარს?”

ტრამპის გამოსვლის ტრანსკრიპტი ინგლისურად

Facebook Comments